Оперативен Менаџер
Х Фактор Акцелератор од Велес е првиот и единствен акцелератор надвор од Скопје стартуван во 2018 година со поддршка на ФИТР и партнерство со Светска Банка. Во изминатиот период акцелераторот се издвои како еден од најактивните во државата креирајќи портфолио од пет стартапи со вкупна инвестиција од 480.000 €. Сите стартапи се со глобален потенцијал за раст и во фаза на комерцијализација.
За следната фаза од растот на акцелераторот во која се планира засилена поддршка на глобалниот раст на постоечките стартапи, привлекување домашни и странски инвеститори за инвестиции во нова група стартапи, како и проширување на активностите на акцелераторот во регионот на југоисточна Европа, потребно е засилување на тимот со оперативен менаџер.
Сите дополнителни информации за акцелераторот може да се најдат на http://xfacc.mk
Обврски на оперативниот менаџер:
- Редовна комуникација со стартапите од постоечкото портфолио
- Одржување релации со партнерските организации на акцелераторот (домашни и странски)
- Организација на настани на акцелераторот и активно учество во сите настани на партнерските организации (семинари, конференции, обуки, повици и сл.)
- Креирање и имплементација на маркетинг стратегија за привлекување на домашни и странски инвеститори за финансирање на стартапите и акцелераторот
- Техничка и административна поддршка при подготовка на периодични извештаи кон партнерските организации
- Одржување на дигиталните маркетинг канали на акцелераторот за комуникација со јавноста
Квалификации:
- Задолжително високо образование
- Одлично познавање на англиски јазик
- Вештини за дигитален маркетинг и односи со јавност
- Одлично познавање на Microsoft Office
- Искуство во работење на проекти со домашни и странски донатори, како и познавање на стартап екосистемот ќе се смета за предност
- Пожелно искуство во изработка на бизнис планови и проектни апликации
- Самоиницијативност и изразени организациски способности
Услови за работа:
- Место на работа: Велес
- Вработување на неопределено време
- Плата по договор
- Вмрежување и можности за соработка со голем број на организации од приватниот и јавниот сектор како и со сите релевантни донатори активни во регионот
- Работа во иновативна средина со тим од искусни претприемачи
Сите заинтересирани кандитати да се пријават преку полето Брза Апликација.
