Во Крушево денес започнува ново меѓународно параглајдинг првенство, а натпреварите продолжуваат во текот на целиот летен период.
Организатор на натпреварувањето е парглајдинг клубот „Делта“ во соработка со Воздухопловната федерација на Македонија, а со поддршка на општина Крушево. Во склоп на Светскиот куп Флајмастер опен, се одржува и државно натпреварување.
Веќе од 14-ти јули следува меѓународен натпревар од највисока категорија – „Светски куп Крушево 2022“.
Параглајдеристите доаѓаат во Крушево уште од месец мај, а првите официјални натпревари, како Нордик опен, веќе се одржаа. Следната година Крушево ќе биде домаќин на Светско првенство во змајарство.
