Значително се намалуваат цените на горивата

Регулаторната комисија за енергетика и водни услуги на Република Северна Македонија донесе Одлука со која се врши намалување на малопродажните цени на нафтените деривати во просек за 1,99% во однос на одлуката од 1.08.2022 година.

Референтните цени на нафтените деривати на светскиот пазар во споредба со претходната пресметка бележат намалување во просек: кај бензините за 3,171%, кај дизелот за 3,728%, кај екстра лесното масло за 4,476% и кај мазутот зголемување за 1,600%.

Малопродажните цени на бензините ЕУРОСУПЕР БС-95 и ЕУРОСУПЕР БС-98, се намалуваат за 2,00 ден/лит, додека малопродажната цена на ЕУРОДИЗЕЛ (Д-Е V) се намалува за 2,50 ден/лит.

Малопродажната цена на Екстра лесното масло за домаќинство (ЕЛ-1), се намалува за 3,00 ден/лит.

Малопродажната цена на Мазутот М-1 НС не се менува.

Од 5.8.2022 година од 00:01 часот максималните цени на нафтените деривати ќе изнесуваат:

Моторен бензинЕУРОСУПЕР БС – 95 93,50 (денари/литар)
Моторен бензин ЕУРОСУПЕР БС – 98 96,00 (денари/литар)
Дизел горивоЕУРОДИЗЕЛ БС (Д-Е V) 93,00 (денари/литар)
Масло за горењеЕкстра лесно 1 (ЕЛ-1) 91,00 (денари/литар)
Мазут М-1 НС 53,343 (денари/килограм)

Напоменуваме дека ова се максималните цени на нафтените деривати од 00:01 часот на 5.8.2022 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

извор: centar.mk

Актуелно

За една година се затвориле 15 училишта во Македонија
Вкупно 14 редовни основни училишта се затвориле во рок од една година, односно од 976 во 2021/2022 година, овој број се намалил на 962 во 2022/2023, покажуваат податоците на Државниот завод за статистика (ДЗС) објавени вчера.
КОЈ ПИЕ НАЈМНОГУ ВО ЕВРОПА: Изненадувачки податоци за Македонците, еве колку пијат
Европскиот регион продолжува да бележи најголема потрошувачка на алкохол по глава на жител во светот
Милионер верува дека ова е единствената вештина која ви е потребна за успешна кариера: Не е програмирање
Има вештина што им е потребна на сите млади луѓе за да напредуваат на работното место, а милионерот, сериски претприемач и професор по маркетинг на Stern School of Business во Њујорк, Скот Галовеј, откри што е тоа.
Бил Гејтс е загрижен дека ќе ја изгуби работата поради вештачката интелигенција
Бил Гејтс, основачот на Мајкрософт, неодамна изрази загриженост дека вештачката интелигенција може да го преземе неговиот бизнис, и покрај тоа што е еден од нејзините најголеми заговарачи.
Хрватска е меѓу најскапите земји во Европската унија кога се гледаат цените на храната
Хрватска е на четвртото место во Европската унија според растот на цената на храната. Според податоците на Евростат – статистичката агенција на ЕУ, растот на цените на храната во февруари годинава во однос на февруари 2023 година изнесува 2,7 отсто во ЕУ и 3,1 отсто во еврозоната.
Од среда дожд и ветер, а на планините снег
Од среда до почетокот на следната седмица подрачјето на земјава ќе биде под влијание на серија влажни бранови кои што ќе предизвикаат времето да е променливо облачно со повремени врнежи од дожд. Во среда и четврток ќе има локална појава на нестабилност со пороен дожд, грмежи и силен ветер (над 70 км/час), локално во форма на невреме, соопшти УХМР.