Директорот за Македонската радио-телевизија изјави дека во 2022 година бројот на српски туристи во Охрид е зголемен за 40 отсто и изрази очекување годинава да има двојно повеќе, бидејќи „Ер Србија“ ќе лета четири пати неделно по атрактивни цени.
Тој го најави и чартер-летот Измир-Охрид и дека туроператорите веќе навестуваат зголемување на бројот на летови до тој турски град оваа сезона.
„Фокусот повторно ќе биде на регионалните пазари, кои треба да ги стабилизираме. Очекуваме меѓу 10 и 15 отсто дополнителни секундарни пазари и меѓу 30 и 40 отсто раст на туризмот. Односно, очекувам дека во 2023 година ќе успееме да ја надминеме бројката од 3,2 милиони ноќевања“, рече Јаневски.
Тој додаде дека годинава се очекува зголемување на бројот на туристи од европските и азиските земји, како и повеќе кружни тури низ Балканот, во кој Охрид е неизбежна дестинација.