Најголем дел од правилниците за станарите во станбените згради во Швајцарија наведуваат дека треба да се почитуваат куќните правила и да не се вознемируваат соседите во периодот од 22 до 7 часот наутро.
Куќните правила варираат од зграда до зграда, а списокот на забранети активности варира во зависност од дебелината на ѕидовите во зградата, бројот на станови и профилот на станарите.
Би можело да ве интересира: Дали знаете која е разликата помеѓу кафените и белите јајца?
Многу бучни активности може да се најдат на списокот на забранети активности – на пример градежни работи, забави, свирење инструмент или чистење со правосмукалка, како и сушење коса со фен. Ако живеете во зграда со тенки ѕидови, проблем може да биде и буката што ја создава казанчето од тоалетот по извршена нужда.
На интернет кружат приказни дека правилото за непуштање вода во тоалетот после 22 часот е урбан мит кој нема многу врска со реалноста, особено ако живеете во стан со неколку луѓе.
Списокот на забранети активности во станбена зграда обично е наведен во договорите за изнајмување станови, а од станарите се бара да ги потпишат и да се согласат со нив пред да се вселат. На тој начин, никој не е принуден да прави нешто што не му е познато.