Денес автобусите на ЈСП ќе сообраќаат по неделен возен ред

Од ЈСП Скопје соопштија дека денес, поради државниот празник 23 Октомври – Ден на македонската револуционерна борба, автобусите од јавниот превоз ќе сообраќаат по неделен возен ред.

Дежурни ќе бидат билетарниците и центрите за персонализација, кои ќе работат од 8 до 14 часот на Транспортен центар, во Ѓорче Петров и на Зелен пазар.

Жичницата на Водно ќе функционира вообичаено, со работно време од 10-18 часот, при што од 17-17:30 е последното возење од долу кон врвот, а во 17:45 часот е последно возење од врвот надолу.