Во оваа година на предизвици, промени и прилагодувања, одлучивме да ја продолжиме традицијата и да ги наградиме најдобрите!
Традиционално, во рамки на најголемата Интернационална HR Конференција доделуваме награда за Најпосетуван огласувач на Vrabotuvanje.com.mk. Годинава, како последица на новонастанатата ситуација со пандемијата, доделувањето ќе го направиме на онлајн настан кој ќе се одржи на 17.11.2020 (вторник) со почеток во 18:00 часот. Настанот е во организација на Македонската асоцијација за човечки ресурси, а на истиот ќе се доделат повеќе HR награди.
Да се потсетиме на изминатите години, кога можевме да се собереме и заедно да ги прославиме успесите, да си честитаме, да споделиме убава енергија, да се поздравиме...
Најпосетуван огласувач во 2016 година беше Џонсон Мети.
Наградата за најпосетуван огласувач за 2017 година ја доби КАМ Маркет.
Наградата за најпосетуван огласувач за 2018 година отидe во рацете на компанијата оне.Вип, или сегашна А1 Македонија, која годинава беше добитник на наградата за Најдобра Employer Branding кампања, во организација на Vrabotuvanje.com.mk.
Изборот за Најпосетуван огласувач го прават посетителите на сајтот Vrabotuvanje.com.mk, односно најпосетуван огласувач е онаа компанија која има најмногу прегледи на огласите во текот на годината.
Со нетрпение го очекуваме добитникот за 2019 година, кој ќе биде прогласен на 17.11.2020 (вторник). Во поинакви услови, но со иста енергија и желба за што повеќе вакви убави поводи и настани во HR светот, ве очекуваме утре!
За повеќе информации и пријава за настанот кликнете на линкот.
