Новите мерки на Српскиот кризен штаб за борба против коронавирусот, кои беа донесени на последната седница во понеделникот, стапуваат на сила денеска.
Сите продавници за малопродажба сега ќе можат да работат 24 часа. Работното време на угостителските објекти што се на отворено е неограничено, додека оние со затворен простор можат да работат до еден часот по полноќ. Музиката ќе биде дозволена во сите овие објекти. Кога станува збор за спортски настани, публиката сега може да присуствува на нив на отворени стадиони со 50 проценти од капацитетот на стадионот, а затворените сали имаат одобрување за 30 проценти од капацитетот на публиката.
Откако рестораните и кафулињата го продолжија работното време до 12 часот навечер, сега е време за поголеми прослави како што се матури, свадби и други организирани собири. Од денес, дозволено е собирање до 500 лица и вклучува сите видови прослави, додека за собири со повеќе од 500 лица ќе биде потребна посебна дозвола од Кризниот штаб. Рекреативните часови за учениците од основните и средните училишта ќе се реализираат без ограничувања.
извор: plusinfo.mk
