Нашата земја ја зафати топлотен бран, а во наредните неколку дена температурите ќе достигнат над 40 степени. Високите температури им пречат на сите, па потребно е да се разладите.
Меѓутоа, дали знаете како да се разладите доколку немате клима уред? Во продолжение прочитајте неколку корисни трикови што може да ви помогнат.
Спуштете ги ролетните
Затворете ги прозорците во собата и спуштете ги ролетните за да не навлегуваат сончевите зраци во собата.
Користете памучни материјали
Сатенската постелнина заменете ја со памучна. Памучниот материјал е пријатен за кожата во летниот период.
Обичниот чаршав нека ви послужи како прекривка во врелите летни ноќи. Памукот и ленот се материјали кои ѝ овозможуваат на кожата да дише.
Користете вентилатор
Доколку немате клима уред, но имате вентилатор, пред него поставете широк и плиток сад и наполнете го со коцки мраз. На овој начин воздухот што излегува од вентилаторот ќе биде поладен од воздухот на собна температура. Свежината ќе трае сè додека не се истопи мразот.
Ставете влажна крпа на прозорецот
Ова е ист "трик" како и со вентилаторот и мразот. Пред спиење, отворете го прозорецот и ставете мокра крпа. Воздухот што ќе струи ќе се олади и ќе биде многу полесен.
Уште еден корисен трик во видеото:
