Американскиот онлајн гигант „Amazon.com“ ја зголеми просечната почетна плата на 18 долари на час и објави дека планира да вработи повеќе од 125.000 луѓе во своите магацини и транспортни услуги во САД.
Најголемиот светски трговец на мало, исто така, објави дека ќе плати 3.000 американски долари бонус за стартување на некои места, а цената на час може да се зголеми на 22.50 долари. „Amazon“ беше меѓу првите трговци што поставија минимална плата од 15 долари на час во 2018-та година.
Во мај, „Amazon“ објави дека ќе плаќа просечно по 17 долари на час на своите вработени.Компанијата е во процес на ангажирање работници за да ги сервисира своите повеќе од 100 логистички центри, кои ќе се отворат овој месец во Соединетите држави, покрај повеќе од 250 достапни што ги додаде претходно во оваа година.
Дополнителен персонал, исто така, ќе помогне да се започнат еднодневни испораки до членовите на клубот за лојалните – „Prime“.
Трговците на мало се обидуваат да ангажираат работници на час на ограничен пазар, нудејќи придобивки и бонуси за почеток за да ги привлечат.
Претходно овој месец, „Walmart“ соопшти дека планира да вработи 20.000 вработени во својата поделба во синџирот на снабдување. Планот е да се привлечат вработени пред особено зафатената празнична сезона на крајот на годината.
