Со цел да се запре уништувањето на животната средина, жителите на 13-тата најмала земја во светот одлучија дека секој што сака да влезе во оваа земја мора да даде заклетва.
Оваа земја има 20.000 жители и ја посетуваат просечно повеќе од 160.000 туристи годишно. Приливот на туристи се чувствува и на животната средина, така што локалната власт одлучи да воведе нешто во своето законодавство што може да го спречи ова.
Имено, секој патник што доаѓа во Палау добива заклетва во својот пасош, која мора да ја потпише пред да му биде дозволен влез во земјата.
Заклетвата гласи: „Деца на Палау, ја давам оваа заклетва како ваш гостин, дека ќе го чувам и заштитувам вашиот прекрасен и единствен островски дом. Се колнам дека ќе го третирам нежно и ќе истражувам совесно. Нема да земам ништо што не треба. Нема да му наштетам на она што не ми штети мене. Единствените отпечатоци што ќе ги оставам се оние што ќе ги измијат брановите“.
Така Палау стана првата земја во светот која воведе ваков вид заклетва во својот закон пред неколку години. Заклетвата се заснова на долгорочен напор да се запре прекумерното уништување и експлоатација на природните богатства.
Жителите се надеваат дека со положувањето на оваа заклетва, на патниците на островот ќе им биде полесно да разберат дека играат клучна улога во зачувувањето на островот за идните генерации, бидејќи повеќето од нив не се ни свесни за отпечатокот што го оставаат.
Иако иницијативата првенствено беше покрената за намалување на штетата предизвикана врз животната средина поради прекумерниот број туристи, ова го практикуваат и жителите. Имено, децата ќе започнат да учат за екологија и да ја зачуваат својата околина на училиште, а на возрасните исто така ќе им се обезбедат специјални програми за учење одговорно однесување кон околината.
Дека властите воопшто не се шегуваат со оваа заклетва, докажува и казната што туристите ја плаќаат за нејзино прекршување. А сумата е до милион долари.
