Кога во понеделник наутро видел расфрлани банкноти на патот, Ибро Локмиќ најпрво помислил дека се работи за скриена камера.
Одејќи на работа во еден момент видел околу 1.000 евра. Ги подигнал парите, но прво ги фотографирал така расфрлани.
– Ги донесов парите во фирмата и им кажав на работниците што се случило, а тие ме советуваа да не објавувам веднаш дека ги најдов, бидејќи не знаеме дали ќе се јави вистинската личност што ги изгубила.
– Вечерта ми се јави сопругата и рече дека на социјалните мрежи видела дека нашиот сосед ги изгубил парите. Му се јавив, дојде веднаш до продавницата, беше пресреќен. Се радував што го најдовме сопственикот – изјави Ибро .
Тој одбил да ја земе наградата, но Адел добро ги награди неговите деца. Бидејќи му рекол дека сигурно Ибро и неговото семејство во иднина секогаш ќе имаат уредна фризура и брада, бидејќи нивниот сосед е познат бербер чиј клиенти се многу познати лица од БИХ.
И додека Ибро размислувал да го пронајде сопственик, неговиот сосед бил загрижен како може да изгуби пари од паричникот. Како што ни кажа, утрото во дворот нашол само паричник додека останатото го немало.
– Не успеав да го предадам прометот на банката и затоа имав толку многу пари со себе. Човек доживува шок, тоа не е малку, но во текот на денот се помирив со фактот дека изгубив пари – изјави Хусиќ.
Тој на социјалните мрежи објави што се случило, иако не веруваше многу во среќен исход. – Но чуда се случуваат. Така ми се јави Ибро и ми ги врати парите.
– Се познававме како соседи, но мислам дека ова ќе биде почеток на едно убаво пријателство и дружење – изјави Хусиќ.
Адел претпоставува дека нивното куче го пронашло паричникот што му испаднало кога излегол од автомобилот, си поиграло со него и така парите биле расфрлани на патот.
Ибро Локмиќ истакнува дека искрено верува во човечката чесност бидејќи, како што вели, така се воспитувани генерации луѓе.
– Искреноста се исплати и така треба да ги воспитуваме нашите деца. Задоволството што го почувствував кога и му ги вратив парите на Адел и кога ја видов неговата среќа, не може да се плати со ништо, додава тој.
