Извршниот директор на Tesla, Елон Маск, продаде уште 934.091 акции на овој производител на електрични возила во вредност од 1,01 милијарда долари за да ги плати своите даночни обврски.
Според Ројтерс, обврските се поврзани со користење на опции за купување на 2,1 милиони акции, според регулаторните поднесоци, предадени во четвртокот.
До 8 ноември, Маск користел опции за купување на 10,7 милиони акции и продаде 10,1 милиони акции за 10,9 милијарди долари.
По серијата опции, Маск се уште има опција да купи уште 10 милиони акции по цена од по 6,24 долари, која истекува во август следната година.
