Управата за јавни приходи (УЈП) на 10.07.2018 ја објави листата на должници за долгови доспеани до 31 март 2018 и неплатени до 30 јуни по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини.
На листата на должници број 7 се објавени вкупно 2.069 правни лица и 1.812 физички лица. Износот на вкупниот нето-долг изнесува 164 милиони евра, што е всушност за 1.5 милиони евра повеќе од износот на претходната листа.
На листата се најдоа и голем број на јавни претпријатија и државни компании помеѓу кои “Македонија пат“ (383 милиони денари), “Еурокомпозит“ (129 милиони денари), “Македонската радио телевизија“ (101 милион денари) и “МЖ-инфраструктура“ (36 милиони денари).
