„McDonald’s“ ја надмина својата квартална прогноза за приходи откако најголемиот светски ланец за брза храна имаше корист од поскапувањата во САД и лансирањето на својата нова програма за лојалност
Цената на акциите на компанијата се зголеми за околу 2,6% до 253,49 долари пред почетокот на трговската сесија.
Зголемувањето на платите поради недостигот на персонал и зголемените трошоци за производи како што се пилешко и говедско месо ги принудија синџирите на ресторани во САД да воведат низа зголемувања на цените на кои потрошувачите покажаа мал отпор.
Инвестициите на „McDonald’s“ во услуги за испорака, дигитални киосци и шалтери за автомобили и дадоа предност на компанијата во однос на помалите синџири, кои беа принудени да го намалат работното време поради недостиг на персонал.
Воведувањето на програма за лојалност на крајот на минатата година, која им овозможува на претплатниците на апликациите на „McDonald’s“ да заработуваат поени со купувањето на хамбургери и помфрит, исто така помогна да се зголемат споредливите приходи од продажба за 3,5 отсто во САД, најголемиот пазар на компанијата.
Според „Refinitiv IBES“, аналитичарите очекуваа зголемување од 3,3%.
Глобалните споредливи приходи се зголемија за 11,8%, над прогнозата за раст од 8,2%, поддржани од слабеењето на ограничувањата наметнати од Ковид-19 на некои странски пазари.
Вкупниот приход скокна за 11 отсто на 5,67 милијарди долари, над проценките од 5,59 милијарди долари.
Со исклучок на трошоците за деловна поддршка во Русија и Украина, како и еднократните трошоци, „McDonald’s“ заработи 2,28 долари по акција, што е над просечната прогноза од 2,17 долари по акција.
.jpg)
