Многу возачи забележуваат дека нивните автомобили прегреваат почесто во лето, па ги фаќа паника кога ќе го забележат индикаторот за температура како станува црвено. Потоа, во страв прават грешки кои не им се од помош.
Летните температури се пред нас и како што на луѓето не им е удобно на сонце, така и нашите автомобили не се најсреќни поради тоа, особено кога се вклучени и возат долго или стојат во сообраќаен метеж.
Имено, многумина одлучуваат да го запрат автомобилот и да го исклучат со надеж дека ќе се реши проблемот со температурата, но тоа е погрешно размислување. Тогаш циркулацијата на течноста за ладење престанува и се јавува уште повисока температура, што може да доведе до оштетување на моторот. Ова особено важи за турбо моторите бидејќи турбината се лади со масло, а работи на високи температури.
Од таа причина, многу е важно да ги знаете „цаките“ кои можат привремено да го решат проблемот со прегревање на моторот, кои не се пријатни за возачите, но секако ја олеснуваат работата на вашиот автомобил.
Најдобро е да го запрете автомобилот, да го ставите во лер и да ја исклучите климата. Оставете малку да работи вака и ќе се олади. Додека чекате да се случи тоа, излезете од автомобилот.
Доколку застанувањето на автомобилот во моментот не е можно, соодветно решение е да го вклучите греењето наместо климата. Топлиот воздух од моторот ќе излезе во кабината, а моторот ќе почне да се лади, а за да не ви се стане лошо од температурата, ве советуваме ширум да ги отворите прозорците и да уживате во циркулацијата на свеж воздух.
