Microsoft одлучи да ги зголеми заработката и бенефитите на своите „таленти“ за да ги задржи во компанијата, на многу конкурентниот пазар на трудот.
Се наведува дека високата инфлација ја намалила куповната моќ на Американците, па технолошкиот гигант од Сиетл вчера објави дека „речиси двојно ќе го удвои“ буџетот за платите на вработените.
Имено, гигантот прво ќе ги мотивира вработените во нивната рана и средна кариера. Само во САД вработува 103.000 луѓе, а има уште 78.000 ширум светот.
„Иако го земавме предвид влијанието на инфлацијата и зголемените животни трошоци, овие промени ја одразуваат и нашата благодарност за талентите од светска класа, кои ја поддржуваат нашата мисија, култура, клиенти и партнери“, се вели во соопштението на компанијата.
Инаку, многу големи компании се соочуваат со недостиг на работна сила, пред сè поради феноменот познат како Голема оставка – период на напуштање на работните места во голем број.
Да потсетиме, според новото глобално истражување на PwC, овој феномен ќе продолжи: секој петти работник, од различни индустрии, вели дека најверојатно ќе ја смени работата во следните 12 месеци.
