За три дена официјално ќе биде пуштена во употреба долгоочекуваната прва делница од црногорскиот автопат.
Тоа е првата делница од автопатот Бар-Бољаре што ги поврзува Смоковац и Матешево. Делницата се наоѓа на трасата на идниот автопат што ќе ги поврзува Србија со Црна Гора, Белград со Подгорица.
На 42 километри има 16 тунели со две тунелни цевки, значи практично имаме 32 тунели. Најдолгиот од нив е речиси три километри – Вјетерник, кој е многу напорен. Има многу тешки тунели долги километар или два, како и над 20 мостови на овој автопат, беше кажано претходно.
И додека се водат последните подготовки за негово пуштање во сообраќај, пристигнуваат информации како треба да се вози. Можете да притиснете на педалата за гас со максимална брзина од 100 km на час. Кога ќе ја поминете наплатната рампа, ве чекаат три ленти, па затоа е важно да ја изберете вистинската, пренесува порталот Инвеститор.
Возењето во рикверц или свртување е строго забрането. Ако го пропуштивте излезот од автопатот, не паничете.
Се што се случува во затворениот дел од автопатот, т.е. во тунелите е покриен со камери. Во случај на било каков проблем, командниот центар ги активира сите надлежни служби, полицијата, пожарникарите и оние кои го одржуваат и надгледуваат автопатот.
Добрата вест е што возењето по автопат ќе биде бесплатно првите седум дена.
