Секако дека не е лесно да го организирате финансискиот живот, особено во време на пораст на трошоците, кога има невидена инфлација низ целиот свет. Сепак, тоа не значи дека можете да избегнете некои грешки.
За младите луѓе кои сè уште се обидуваат да ја воспостават својата кариера, фокусирањето на пензионирањето или штедењето за иднината можеби не изгледа како врвен приоритет. Но, ако не размислите на време - подоцна може скапо да ве чини.
Ова се 4-те најчести грешки што ги прават младите кога ги градат своите финансиски структури:
1. Предолго чекаат за да почнат да штедат
Ова се однесува на заштеда на пари за деновите на старост. Планирањето за пензионирање се заснова на изнаоѓање рамнотежа помеѓу оставање пари „на страна“ и имање доволно пари за трошење во сегашниот момент (храна, сметки...). Звучи поедноставно отколку што е, но не ве чини ништо да пробате: ако одвоите 50 евра месечно, за 25 години ќе имате 15.000 евра.
2. Луксузот не е неопходност
Луѓето стануваат жртви на инфлација на животниот стил. Ова се случува кога ќе почнат да го толкуваат луксузот како нешто што е неопходно. Сертифицираниот финансиски планер Ник Рајли од Сиетл вели дека „социјалните медиуми создаваат желба кај луѓето да бидат во чекор со другите“.
Тој го спомнува „стравот од пропуштање“ во комбинација со менталитетот „јас го заработив“. Таквиот став доведе до тоа сè повеќе милениумци да ја трошат својата плата на работи кои обезбедуваат краткорочно задоволство и се прашање на престиж.
3. Дали имате пари за „црните денови“?
Иако трошоците се зголемија, а сега е сè потешко да се менаџира кризата, многумина ја потценија моќта на заштедите за т.н. црни денови или итни ситуации. Сепак, исто така е факт дека дури и во културите каде што се негува важноста на штедењето - многу млади луѓе денес ги игнорираат можните ризици и трошат надвор од нивните граници.
4. Премногу потпирање на ризични средства
Криптовалутите се популарни денес и можат да бидат многу профитабилни, но имајте на ум дека тие се сепак ризично средство, што значи дека нивната вредност може лесно и ненадејно да се промени, во однос на состојбата на пазарот. И најмалата промена може да влијае на нив.
Додека поновите инвестиции како што се NFT, мим акции, SPAC и криптовалути можат да обезбедат атрактивен потенцијал за раст, ако ја предвидите нивната (не)стабилност - тоа може сериозно да го загрози вашето финансиско здравје. „Благодарение на социјалните мрежи, големи се шансите дека секој знае некој што брзо се збогатил“, додаваат експерти и тоа го нарекуваат „синдром на сјаен (сјаен) предмет“.
.jpg)
