Потребите за течен природен гас во светот растат, покажуваат истражувањата, поради што и водечките земји на листата на земји најбогати со ова фосилно гориво ќе го зголемат производството.
По нуклеарната катастрофа во Фукушима, потребата на Јапонија за купување течен природен гас се зголеми, а пред тоа беше најголемиот купувач на овој гас во светот. Денеска откупува 3,3 милијарди кубни метри, а се очекува до 2035 година да купи и до 5 милијарди.
Потребите за гас растат насекаде низ планетата, не само во Јапонија. Затоа земјите со најмногу гас го зголемуваат производството, а извештајот на Меѓународната агенција за енергетика покажа дека, на пример, Русија ќе го зголеми производството дури три пати за да ги задоволи сите потреби во 2035 година. Според податоците објавени во Cia's Book of World Facts, ова се земјите со најголем потенцијал кога станува збор за природниот гас:
Алжир
Оваа земја има потенцијал од 4,5 милијарди кубни метри гас. Во моментов, Алжир сочинува 2,37 отсто од резервите на природен гас.
Венецуела
Венецуела има речиси пет милијарди кубни метри природен гас и сега сочинува 2,62 отсто од светските резерви.
Нигерија
Оваа африканска земја располага со 5,25 милијарди кубни метри гас, а во моментов сочинува околу три отсто од докажаните резерви на природен гас.
Обединети Арапски Емирати
Иако се чини дека земјата има повеќе гас, Обединетите Арапски Емирати во моментов сочинуваат 3,19 отсто од нивните шест милијарди кубни метри резерви природен гас.
Соединети Држави
Соединетите Американски Држави не се само голем потрошувач, туку и производител на гас. Земјата има 6,93 милијарди кубни метри природен гас, што е 3,64 отсто од резервите.
Саудиска Арабија
Саудиска Арабија поседува 7,46 милијарди кубни метри гас и сочинува речиси четири отсто од светските резерви.
Туркменистан
Туркменистан има малку повеќе гас и со 7,5 милијарди сочинува 3,95 отсто од докажаните резерви на природен гас.
Катар
Далеку пред претходните земји е Катар, кој има докажани резерви од 25,47 милијарди кубни метри гас. Така, оваа земја зазема речиси 13,5 отсто од вкупните резерви на гас.
Иран
Иран има речиси 30 милијарди кубни метри природен гас. На оваа земја отпаѓаат дури 15,57 отсто од докажаните резерви.
Русија
Русија е ненадмината кога станува збор за обемот на природен гас. Оваа земја има најмногу природни резерви - дури 47,57 милијарди кубни метри, така што на Русија сочинува повеќе од 25 отсто од резервите на природен гас во светот.
Извор: maskimagazin.faktor.mk
