Благодарение на видеата што ги објавуваше на својот Инстаграм профил од 2020 година, тој стана светски славна личност.
Хасбула Магомедов (20) стана ѕвезда на социјалните мрежи, а сите негови следбеници ги воодушеви веста дека потпишал петгодишен договор со УФЦ.
Тој се здоби со огромна популарност благодарение на комбинацијата на неговиот добар изглед, борбен говор и очигледна самодоверба за да се совпадне со некои од најголемите имиња во боречките спортови.
Ако сте редовен корисник на ТикТок или Инстаграм, веројатно сте запознаени со Хасбула. За сите оние кои не го познаваат доволно, еве неколку интересни факти.
Основни факти за Хасбула:
Име: Хасбула Магомедов
Возраст: 20 години
Година на раѓање: 2003 година
Националност: Русин
Нето вредност: 100.000 долари (проценето)
Инстаграм: 2,4 милиони следбеници
Бидејќи Хасбула има џуџест раст, тој е висок само 1 метар. Исто така, се тврди дека тежи околу 16 килограми.
Поради ретко генетско нарушување, Хасбула иако има 20 години изгледа како дете, а токму тоа му донесе статус на светска сензација која денес живее „на висока нога“.
Тој израснал во сиромаштија, а откако станал познат на Инстаграм, спонзорите почнале да му плаќаат огромни суми за да ги промовира нивните производи.
Со оглед на цифрата што ја заработува на месечно ниво, Хасбула сега може да си дозволи да патува со приватни луксузни авиони и автомобили и да престојува во најскапите хотели.
Она што ретко кој го знае е дека Хасбула пораснал во лоши услови во Дагестан, но неговиот живот целосно се променил пред околу една година, поради видеото во кое имитира славен борец, па го доби прекарот Мини Хабиб и се стекна со популарност во ММА заедницата.
Новинарот Игор Лазарин тврди дека по потпишувањето на договор со УФЦ, Хасбула ќе заработи повеќе од многу борци на УФЦ. Очигледно Хасбула ќе има посебна задача во УФЦ и нема да се бори. Наводно во неговиот договор стои дека ќе биде присутен на сите настани и настапи на УФЦ.
