Новата година значи промени и нови предизвици. Ако ваша цел за 2023 година е да се вработите за првпат или да го смените работното место, имаме совети за вас.
Самата помисла дека ви е дадена можност за интервју за работа може да предизвика страв. Затоа е важно добро да се подготвите пред да одите на интервју со потенцијалниот работодавец. Добрата подготовка е половина од завршената работа.
Пред самото интервју за работа треба да имате уредно и модерно CV, моќно писмо за мотивација и/или детално пополнета апликација за вработување . Од моментот кога ќе дознаете дека сте поканети на интервју за работа, честитајте си на уште еден успешен чекор кој ве приближува до вашата цел, а тоа во случајов е вработување.
За почеток, пред да одите на интервју за работа, истражете го работодавачот за да дознаете што повеќе информации и на тој начин да имате појасна слика за позицијата за која аплицирате и што се очекува од вас на работното место.
Еден од најважните совети е да се опуштите пред вистинскиот разговор. Стресот и стравот не се пожелни, бидејќи може само да ја уништат вашата одлична можност за работа.
Вистинскиот работодавач ќе ја разбере вашата трема како желба да станете дел од тимот, но прекумерниот страв може да го натера работодавецот да се посомнева дека не знаете како да се справите со стресни ситуации.
Доколку покажете желба и страст за работа, нема да оставите лош впечаток, туку голем интерес, што многу ќе му угоди на вашиот иден работодавец.
Исто така, хуморот и насмеаното лице се многу важни при вработувањето, особено ако аплицирате за работа во услужната индустрија или треба секојдневно да комуницирате со колегите.
Никогаш не зборувајте лошо за вашето старо работно место. Остава впечаток дека сакате да зборувате лошо за луѓето со кои порано поминувавте време и дека ќе зборувате лошо и за идните работодавци.
И конечно, важна е невербалната комуникација, која „носи“ 70% од вкупната комуникација. Затоа обидете се да останете смирени. Не избегнувајте контакт со очите, бидејќи тоа ќе покаже дека не сте подготвени за работа.
Извор: kajgana.com
