Иако не се големи, некои од овие земји се познати по своето богатство, развојот, бројните туристички атракции, маѓепсувачката природа...
Вкупната површина на петте најмали држави на планетава изнесува 110,62 километри квадратни, а доколку сите нивни жители би се нашле на едно место би имало 86.930 луѓе. Само во Пекинг живеат над 21,5 милиони луѓе, и тоа на површина од 16.410,54 километри квадратни.
Во оваа островска држава на југоистокот од Карпското Море уште се чувствува силно влијание на француската култура и традиција, што не треба да ве чуди доколку земете предвид дека била француска колонија од 1649 до 1763 година. Гренада е многу популарна дестинација, а таму ќе најдете многу примери на преубава архитектура и уметност воопшто.
9. Малта (316 км²)
Република Малта ја сочинуваат островите Гозо, Комино и Малта, а на нив живеат вкупно 450 илјади жители, што ја прави оваа земја една од најгусто населените во светот. Покрај тоа, таа е многу популарна кај туристите поради преубавите плажи, богатата историја, културата, атмосферата...
Една од најпопуларните дестинации во Индискиот Океан е најмалата држава во Азија, и според површина и по број на жители (не сметајќи ги Хонгконг и Макао кои не се независни држави). Малдивите биле португалска колонија, но и холандска и британска, а независна држава се од 1965 година.
Овие два острова биле меѓу првите кои Европејците ги населиле по доаѓањето во Новиот свет. Поголемиот остров бил именуван од Кристофер Колумбо во 1493 година по својот светец заштитник, Свети Кристофер, а помалиот бил именуван Невис (шпански збор за снег). За време на XVII и XVIII век наизменично паѓале под британска и француска власт, а целосна независност стекнале во 1983 година. Познати се како големи извозници на шеќер и по богатата туристичка понуда.
Единствената држава чијашто цела површина лежи на Алпите се наоѓа помеѓу Швајцарија и Австрија. Често се наоѓа на листите со најбогати земји во светот, односно според БДП по глава на жител.
Дали знаевте дека официјалното име на оваа држава е Најспокојна Република Сан Марино? Се наоѓа на источната страна од Апенините и е во потполност опкружена со територијата на Италија. Основана е во 301 година, но тогаш била дел од Римското Царство, а нејзиниот устав е напишан во 1600 година. Оваа држава прв пат била признаена од Франција под Наполеон Бонапарта, а на почетокот на XIX во Виена ја признале и останатите држави на Стариот континент.
Островска држава во Тихиот Океан којашто се наоѓа јужно од Кирибати и северно од Фиџи, а е независна од 1978 година. Иако е преубава, не заработува многу од туризам поради непристапноста (во 2010 година земјата ја посетиле помалку од 2 илајди странци, а 65% од нив дошле работно). Неодамна беше објавено дека честите поплави се закана за опстанокот на Тувалу.
Источно од Австралија, во Микронезија, се наоѓа најмалата островска држава во светот, а најинтересното во врска со неа е тоа што официјално нема главен град. На островот живеат 12 племиња, поради што на државното знаме има ѕвезда со 12 краци. Овој остров бил откриен во 1798 година, кога бил наречен Пријатен Остров. Инаку, станува збор за место со многу карпи фосфат, па Науру долго профитирал од експлоатацијата на фосфат. Меѓутоа, резервите се веќе исцрпени...
Земјата со најголем број на милионери и милијардери по глава на жител е позната по коцкарниците и луксузот. Во Монако живеат нешто помалку од 36 илјади луѓе, што ја прави најгусто населената земја во светот. Најпопуларниот настан во оваа држава е познатата трка во Формула 1.
Не е изненадување која држава е на врвот на оваа листа - тоа веројатно сите го знаевте. Ватикан, најпознатата и најмала град-држава во светот се наоѓа во центарот на Рим и е седиште на поглаварот на Католичката црква. Како држава е основан во 1929 година со Латеранскиот договор, како остаток од Папската Држава. Денес е дом на само 836 жители, но е магнет за туристи.
Извор: kajgana.com
