Откако внеле повеќе од 15,6 милиони лозинки во програмата за пробивање PassGAN со вештачка интелигенција, истражувачите заклучиле дека е можно да се пробијат 51% од едноставните лозинки во временски распон до една минута.
На страницата Home Security Heroes, можете да внесете лозинка и да добиете проценка колку време ќе и треба на вештачката интелигенција за да ја пробие.
Претпоставката се заснова на податоци добиени со истражување. (ЗАБЕЛЕШКА: не внесувајте лозинки што всушност ги користите!)
Лозинките до седум знаци ќе бидат пробиени со вештачка интелигенција за неколку минути
Користејќи вештачка интелигенција, истражувачкиот тим проби лозинки кои се состојат од четири до седум знаци веднаш или за неколку минути, дури и кога тие имаа комбинација од броеви, големи и мали букви и симболи. Откако внесоа повеќе од 15,6 милиони лозинки во програмата за пробивање PassGAN со вештачка интелигенција, тие заклучија дека е можно да се пробијат 51% од едноставните лозинки во временски распон до една минута.
Сепак, вештачката интелигенција не се снајде толку добро со подолгите лозинки. За лозинка со сите броеви од 18 знаци ќе бидат потребни најмалку 10 месеци за да се пробие, а за лозинка од 18 знаци со бројки, големи и мали букви и симболи би биле потребни шест квинтилиони години.
Дали треба да се плашиме од AI хакери?
„Алгоритмите за вештачка интелигенција постојано A/B се тестираат меѓусебно милиони пати за да го стимулираат учењето. Оваа вештачка интелигенција ги предвидува најверојатните следни бројки врз основа на сè што научила. Наместо да бара знаење однадвор, таа се потпира на моделите што ги изградила во текот на нејзината обука“, рече истражувачкиот тим.
Некои експерти за сајбер безбедност изразија загриженост, додека други веруваат дека денешните генератори на лозинки се сè понапредни и дека вештачката интелигенција има мали шанси да пробие такви лозинки кои содржат голем број случајни знаци. Некои го гледаат решението во автентикациите без лозинка, како што се читачите на отпечатоци од прсти и скенирањето на лицето.
