Веќе во средината на есента мраз и снег го заковаа крајниот исток на Русија, а деновиве во тие региони владее поларен студ.
Температурите во североисточниот дел на Русија деновиве се спуштаат до -40°C, а во руското село Ојмјкон викендов се очекува температурата да се спушти до -48°C. Следната недела ќе биде уште постудено, па првата декада од декември на ова место ќе донесе температури од -55°C, а и највисоката дневна температура нема да надмине -51°C.
Зимските температури во овој североисточен дел на Русија во просек се под -55°C, и редовно паѓаат под -60°C, додека просечните дневни температури се движат од -50 до -45°C.
Најниската температура измерена досега е -68 °C на метеоролошката станица Томтор во 1933 година. На споменикот во Ојмјакон е забележана температура од -71,2 °C.
Температурите паѓаат под 0°C веќе во средината на септември и остануваат под таа вредност до почетокот на мај, а дури во текот на седум месеци имаат просечни вредности од -40 до -10°C.
Просечната годишна температура е под 0°C.
Во зимскиот дел од годината, североисточниот дел на Русија, иако е далеку јужно од Северниот пол, е најстудената област во светот, а температурите се зголемуваат од него во сите правци, особено кон бреговите на Тихиот Океан и кон Арктичкиот океан, каде што се повисоки за 20-30 степени, поради ублажувачкото влијание на водените површини. Дури и на Северниот Пол, температурите од -40°C се ретка појава, а влијанието на Голфската струја, која допира далеку во поларните региони северно од Скандинавија, значи дека температурите во зима ретко паѓаат под -15, -20° C, а површината на водата никогаш не замрзнува
И додека североисточниот дел на Русија бележи -60°C во зима, градовите на исти географски широчини на Британските Острови и западниот брег на Скандинавија ретко имаат температури под 0°C, поради силниот ефект на Голфската струја.
Летата се многу кратки, но и топли, со температури од 20 до 25°C и често надминуваат 30°C, додека апсолутниот максимум е 35°C. Огромната разлика помеѓу летото и зимата го прави ова место со најголема амплитуда во светот, која достигнува и до 100 степени.
Дури и за време на жешките лета, температурата може да падне од 30°C до 0°C и да падне снег.
Летата траат два до три месеци и се многу влажни, со грмежи и врнежи, а зимите се многу суви. И покрај минималните врнежи во зима, снегот останува девет месеци, а тлото на поголеми длабочини е замрзнато во текот на целата година.
