Работењето од дома за време на пандемијата можеби ги спречило луѓето да се откажат од пушењето, сугерира истражувањето во Велика Британија.
Стапките на откажување низ Англија се чини дека почнаа да стагнираат, според истражувањето.
Експертите од Универзитетскиот колеџ во Лондон (UCL) ги анализираа податоците од 2020 до 2022 година и го истражуваа влијанието на пандемијата на Ковид-19 врз стапката на пушење.
Истражувањето покажа дека пред пандемијата стапката на пушење се намалувала за 5,2 отсто годишно, а за време на пандемијата стапката паднала на 0,3 отсто годишно.
Авторите предлагаат објаснување според кое оние со послаби финансиски средства чувствувале поголема потреба да се откажат од пушењето за време на пандемијата, додека оние со поголемо богатство и на професионални или менаџерски позиции продолжиле да пушат поради стрес.
Имено, можно е „слоевите на послаба материјална моќ посилно да ги почувствувале финансиските ефекти од пандемијата, на пример поради губење на работа или намалена заработка, што го прави почетокот или продолжувањето на пушењето помалку прифатливо“, објаснуваат авторите.
Наведена е и разликата помеѓу физичките и другите работни места.
„Физичките работни места доживеаја помалку промени за време на пандемијата од другите, кои главно се префрлија на работа од дома, што доведе до осаменост и полошо ментално здравје“, се вели во студијата.
Поради ова, „луѓето од повисоките општествени класи можеби биле помалку склони да се откажат од пушењето“, се сугерира.
Исто така, се истакнува дека и помладите возрасни искусиле повисоки нивоа на стрес, ненадејни промени и социјална изолација за време на пандемијата, „што може да придонесе за зголемена преваленца на пушењето во таа група“.
Водачот на истражувањето, д-р Сара Џексон од UCL вели дека „преваленцата на пушењето кај возрасните во Англија постојано опаѓа повеќе од 20 години“.
„Нашите податоци покажуваат дека овој тренд е запрен“, предупредува Џексон, сугерирајќи толкување според кое секое „зголемување на откажувањето од пушење се компензира со зголемување на бројот на нови пушачи или оние што повторно почнуваат“.
Студијата беше спроведена на 101.960 возрасни лица помеѓу јуни 2017 и август 2022 година и беше финансирана од Cancer Research UK и објавена во списанието BMC Medicine.
Уделот на пушачите во јуни 2017 година во Англија беше 16,2 отсто, но до почетокот на пандемијата ќе падне на 15,1 отсто и ќе остане непроменет до август 2022 година, проценува студијата.
Проф. Џејми Браун од UCL, еден од авторите, рече дека предлогот на владата на Обединетото Кралство да се прогласи за прекршок да се продаваат тутунски производи на луѓе родени по 2008 година „може да придонесе за целта да се биде без пушење до 2030 година“.
