Две третини (67 проценти) од професионалците во Европа размислуваат за промена на работните места оваа година.
Вештачката интелигенција, одржливоста и сајбер безбедноста се сè повеќе барани, според најновиот извештај на LinkedIn за изгледите на пазарот на труд за 2024 година. Се додава дека европскиот пазар на труд минува низ забрзана трансформација и дека се појавуваат нови позиции кои ги немало во последните 20 години, додека деловната конкуренција минатата година двојно се зголемила.
Истражувањето на LinkedIn беше спроведено врз основа на преглед на милиони работни места, кои членовите на таа платформа – специјализирана за вработување – го извршија помеѓу 1 јануари 2019 година и 31 јули 2023 година.
Во Велика Британија и Франција, на пример, минатата година имаше една отворена позиција за просечни четворица апликанти, додека претходната година, во 2022 година, имаше една отворена позиција за приближно две лица.
Сепак, и покрај зголемувањето на конкуренцијата на пазарот на труд, две третини (67 проценти) од професионалците во Европа размислуваат за промена на работните места оваа година, а како една од главните причини, 37 проценти од испитаниците наведуваат дека се стремат кон поголема заработувачка; 19 отсто од нив изјавиле дека сакаат да најдат нова работа за напредување во кариерата.
Во зависност од земјата, најбрзо растечките работни места во Европа се разликуваат, но заедничкиот тренд покажува дека вештачката интелигенција (AI), одржливоста и сајбер безбедноста се растечките и најмногу се бараат:
- менаџери за одржливост
- инженери за вештачка интелигенција и
- аналитичари за сајбер безбедност
