Повлекувањето готовина за купување станува сè попопуларно меѓу потрошувачите во Германија. Вкупниот обем на готовински плаќања минатата година порасна за 20 отсто на 12,31 милијарди евра.
Плаќањето функционира така што клиентот плаќа со картичка на каса и потоа може да го побара износот што му е потребен во готово. Износот се додава на фискалната сметка и се одбива од банкарската сметка на потрошувачот.
Максималниот износ што може да се повлече обично е 200 евра.
Податоците ги презентираше Институтот за истражување на пазарот ЕХИ.
Тоа е погодно за клиентите бидејќи заштедуваат на дополнително време. Побарувачката исто така расте поради се помалиот број на банкомати, вели авторот на студијата Хорст Рутер.
Трговските компании кои го практикуваат ова, вклучувајќи ги и синџирите за малопродажба на храна Rewa и Edeka, аптеките како DM и Rossmann и некои продавници за градежни материјали и алати, враќаат повеќе од 13 отсто од заработените пари на клиентите, покажа истражувањето.
Со зголемената фреквенција на овој начин на пристап до готовина, се зголемуваат и провизиите што компаниите треба да ги плаќаат на банките. Според податоците на ЕХИ, тие изнесуваат меѓу 0,1 и 0,2 отсто од исплатениот износ по трансакција.
По тој основ, малопродажните субјекти лани платиле 17,23 милиони евра, што е за 25,7 отсто повеќе од 2022 година.
Ако се водиме по тоа дека се што доаѓа од Западот подоцна се применува и кај нас, подгответе се за овој новитет и заборавете на банкоматите.
