Симптоми на артритис, меѓу кои се и болките и отоците на зглобовите на рацете и нозете, може да бидат зголемени и забрзани при носење на влечки по дома, сметаат тим на лекари кои правеле истражување за Џентл Грип, кој произведува различни производи за стапала.
Тие предупредуваат дека носењето влечки со текот на времето може да го влоши начинот на кој одиме, бидејќи наместо да одиме всушност се „лизгаме“, не ги подигаме нозете премногу и само ги влечеме со влечките низ домот.
Тоа, сметаат експертите, може да биде еден од факторите поради кој и здравите лица можат да почувствуваат болка во зглобовите, кои се оптеретени, бидејќи стапалото не е во стабилна положба.
Совет од лекарите е наместо влечки да носите топли дебели чорапи, бидејќи така стапалата ќе бидат доволно топли и без папучи.
Ако сепак не можете да се откажете од нив, набавете пар кој пружа потпора на целото стапало.
