Невреме со пороен дожд, грмежи и засилен ветер вечерва ќе ја зафати територијата на Република Македонија, соопшти Управата за хидрометеоролошки работи.
Поголема количина дожд (над 25 литри на метар квадратен) се очекува да наварне во западните и северните делови, а можна е и локална појава на град, особено во североисточните предели.
Синоптичарите за периодот од утре до петок најавуваат стабилно време освен во југоисточните делови каде е можна појава на краткотраен дожд со ретки грмежи. Повторно зголемување на условите за нестабилност се очекува во деновите од викендот.
Во Скопската котлина попладне ќе биде нестабилно со пороен дожд и грмежи, а во вечерните часови процесите ќе се интензивираат.
