Дигитализацијата и напредокот на технологијата овозможија создавање нови професии или нивно прилагодување кон модерните текови. Во исто време, пандемијата што го заобиколи целиот свет принуди милиони работници ширум светот канцеларијата да си ја преселат во домашни услови. Постојат професии што го даваат тоа задоволство, иако постојат и такви што не може да се работат од дома.
Сепак, постојат неколку професии за коишто поседувањето канцеларија не е пресудно за да извршување на задачите или со други зборови, доволен е лап топ, интернет врска… па дури и на најдалечната точка во светот.
Софтверски инженери
Зад оваа професија стојат електро инженери, информатичари, ИТ експерти… кои создаваат веб апликации или развиваат софтверски решенија. За нив е многу важно да имаат стабилна интернет врска и брз компјутер за да можат да си ја работат работата. Многу од нив работат и како фриленсери, па затоа немаат потреба од канцелариски простор.
Дизајнери
Слично како и кај инженерите и дизајнерите може да работат од каде што ќе посакаат бидејќи нивната работа им ја нуди таа флексибилност. За нив е важна инспирацијата и креативноста, па затоа е важен амбиентот во којшто ќе работат и создаваат.
Маркетинг
И маркетарите можат да работат од далечина, да бидат ефикасни во комуникацијата и успешно да ги развиваат маркетинг стратегиите на своите клиенти. И оваа професија ја дава таа флексибилност, па дури понекогаш и се препорачува работа од дома, кафуле или некое друго место за поголема креативност и можност да се почувствува поинаква атмосфера.
Новинари, сметководители, грижа за корисници, техничка поддршка, copywriters…
Сите оние професии коишто може да се сработат преку компјутер, да се пренесат преку мејл, видео порака или слично, се идеални за работа од дома. И тоа не само во услови на пандемија, туку и воопшто. Сепак на многумина им недостасува интеракцијата со колегите, соработниците, клиентите… Но, брзото темпо на живот, пандемијата, грижата за сопственото здравје, технолошкиот напредок ги променија работните навики.
.jpg)
