Во ова дигитално време, паметните телефони се една од најкористените оредмети, без кои дефинитивно не можеме да поминеме ниту еден ден. Сепак мораме да бидеме многу претпазливи за тоа што инсталираме на нив и какви се податоци чуваме, затоа што многу лесно истите можат да бидат искористени на наша штета.
Многу апликации тврдат дека ќе ви олеснат некои аспекти од животот, без разлика дали е тоа слушање музика, играње на видео игри, грижа за здравјето и слично. При нивното инсталирање во мобилните бараат ваша согласност за најразлични работи, со цел да продолжите кон нивно користење, па поголемиот дел од луѓето ги прифаќаат без воопшто да прочитаат за што се работи и воопшто за што се работи.
Голем број вакви апликации всушност се штетни, како по вашиот уред, така и по вашата приватност. Во ова листа има седум такви, а иако се преземени многу пати, не е добро да ги имате во телефонот, па затоа веднаш избришете ги!
QuickPic Gallery
Пред пет години оваа апликација ја преземала кинеската компанија Cheetah Mobile, која не ја бие добар глас, бидејќи од тогаш почнале да префрлаат податоци од корисниците на своите сервери. Исфрлени биле од “Google Play” продавницата во 2018-та година, но се вратиле една година подоцна.
ES File Explorer
Ова, своевремено, можеби била и најпопуларната апликација за управување со датотеки. Меѓутоа, во неа имало премногу адвери, како и известувања кои никако не можеле да се исклучат. Поради сомнителните и нејасно означени огласи, била исфрлена од “Play store”.
UC Browser
Ова е најпопуларниот интернет пребарувач во Кина и Индија, но прилично е несигурен поради тоа што нема енкрипција на податоците. Вашата приватност затоа може да биде загрозена во секој момент.
CLEANit
Оваа апликација би требало да го чисти вашиот телефон и така да ја држи вашата меморија во оптимизирана состојба. Меѓутоа, не прави ништо корисно, напротив. Го задушува вашиот уред.
DU Battery Saver & Fast Charge
Секако дека ниедна апликација не може да го забрза полнењето на вашиот телефон, а оваа апликација тврди дека може. Исто така, содржи море од огласи со некакви графикони, кои всушност ништо не ви покажуваат, туку се обидуваат да ве наведат на реклами.
Dolphin Web Browser
Интернет-пребарувач без огласи, со поддршка за Флеш и “HTML 5”. Звучи премногу добро за да биде вистинито, а така и е. За жал, оваа апликација го следи вашето движење и тогаш кога не сакате.
Fildo “Fildo”
служи за илегално преземање на музика од интернет страната на компанијата “Netease”. Со оглед на тоа дека се маскира како апликација за репродуцирање на содржини, тоа е сосема доволна причина да не и верувате.
.jpg)
