Финска во изминатиот месец прими повеќе од 5.300 апликации во рамките на новата програма за миграција што нуди можност за технолошки работници и нивните семејства да се преселат во оваа скандинавска земја 90 дена и по тој престој да одлучат дали сакаат да останат трајно.
Ние не сме на врвот на списокот на земји за преселување, но неколку пати сме се увериле дека луѓето обично остануваат да живеат во Финска откако ќе ја посетат. Во светот има голема конкуренција, затоа моравме да размислуваме креативно, изјави Јоана Хуре од Бизнис центарот во Хелсинки, која ја дизајнираше оваа програма.
Таа истакна дека 90-дневната програма предизвикала најголем интерес во САД и Канада и дека околу 30 проценти од барањата се од овие земји.
Другите барања не забележаа таков раст, но беа рамномерно распоредени. Меѓу нив има и 50 Британци и еден жител од јужно-пацифичкиот остров Вануату, пишува Гардијан.
Повеќето од апликантите биле семејни луѓе кои сакале да работат од далечина за своите сегашни работодавци, барем првично, а како што истакна Хуре, повеќе од 800 луѓе сакале да започнат стартапи, потоа тука се и 60 заинтересирани инвеститори, додека другите апликанти барале работа по пристигнувањето во Финска.
Земјата што ги донесе Nokia, 5G и Linux во светот, има почетен капитал од шест милијарди евра за дигитални стартапи што е повеќе по глава на жител од која било друга земја во светот.
Технолошки мултинационални компании како Google, Bayer и GE Heltker исто така неодамна отворија подружници во оваа земја.
Што најмногу ги привлекува луѓето?
Програмата, кој вклучува 90-дневен престој во Финска, вклучува обезбедување на целата потребна официјална документација на успешните кандидати, платено сместување, училиште или градинка, како и осигурување на работа од далечина, запознавање со технолошки центри и мрежи во и околу Хелсинки и, секако, постојан престој.
Ова е одлична кампања за претставување на Финска. Во сето ова, најдобриот практичен пристап е особено во технолошкиот сектор, кој овде се повеќе напредува. Според најновите проценки, планираме да вработиме 50.000 луѓе во оваа област следната година. Потребни ни се талентирани луѓе, рече Јонас Хала од компанијата Бизнис Финска.
Тој додаде дека луѓето од САД кои аплицирале за оваа програма ги привлекле не само добрите изгледи за работа, туку и универзалната здравствена заштита, високите бенефиции за родителско отсуство, рамнотежа помеѓу животот и работата, фактот дека оваа област е богата со природата и начинот на кој Владата го реши проблемот со пандемијата.
Покрај тоа, Финска е прогласена за најсреќна земја во светот три години по ред, пишува Гардијан.
.jpg)
