Компјутерските програмери во декември минатата година заработиле во просек по 76.223 денари.
Највисoки плати земале вработените во информатичката дејност и комуникациите каде што просекот на нето исплатена плата е 56.998 денари. Во телекомуникациската дејност, пак, просекот е 50.034 денари. Зад нив се вработените во фармацевтските компании со просек од 47.940 денари и финансиските дејности и осигурувањето каде што просекот е 46.795 денари. Во енергетскиот сектор просекот е 40.530 денари. Високи плати се исплатени и во дејности на организации врз база на зачленување каде што просекот е 40.840 денари. Од производните сектори највисоки просеци на плати се исплатени во рударството и вадење камен каде просекот изнесува 39.655 денари.
Според податоците на Државниот завод за статистика, индексот на просечната месечна исплатена нето-плата по вработен во декември 2020 година во однос на декември 2019 година е зголемена за 5,4 отсто и изнесува 28.294 денари.
За споредба, синдикалната минимална кошничка во јануари изнесувала 33.650 денари.
.jpg)
