15 години поддршка, 15 години заедничка мисија. Со гордост ги подржуваме Специјалната олимпијада на Северна Македонија. Во текот на овие години зедно преку спортот ја менуваме реалноста и создаваме можности за лицата со интелектуална попреченост. Со јасна определба за поголема инклузија, еднаквост и со општествена одговорност, веруваме дека секој човек заслужува шанса да напредува, да биде виден и поддржан. Токму затоа сме дел од ова движење, се препознаваме како компанија која промовира инклузија, еднакви можности и почит кон различностите.
Преку оваа иницијатива, ја потврдуваме нашата заложба дека корпоративните вредности не се ограничуваат само на деловниот успех, туку и на одговорното однесување кон општеството. Поддршката на Специјалната олимпијада претставува дел од нашата поширока стратегија за општествена одговорност и корпоративна етика.
И оваа година Моника Бошковска – Директор за маркетинг во Мотоцентар и Претседател на Специјалната Олимпијада на Северна Македонија, организираше прекрасна дружба за сите членови на Специјалната олимпијада, соработници и поддржувачи. Целта беше да ја заокружиме 2025 со заедничка дружба, да си честитаме за успесите и да потврдиме дека продолжуваме со исто темпо и во новата 2026 година.
Искрени честитики до сите атлети, тренери, волонтери и тимот на Специјалната олимпијада за нивната посветеност, инспирација што секојдбневно ја споделуваат со сите нас и постигнатите успеси во 2025 година.
Со оваа активност, ја завршуваме годината со јасна порака за одговорност, вредности и долгорочна посветеност кон позитивни општествени промени. Продолжуваме заедно – затоа што инклузијата е вредност што ја движи иднината.