Истражување на RiseGuide, спроведено на 2.000 припадници на генерацијата Z и миленијалци, покажало дека 42% не одговараат на телефонски повици, додека 58% однапред ги подготвуваат разговорите пред да се јават.
Избегнувањето на повици, сепак, може да има последици. 78% од испитаниците кои избегнуваат телефонски разговори велат дека поради тоа пропуштиле финансиски или професионални можности.
Причината делумно се поврзува со навиката на младите да комуницираат преку пораки и мејлови, каде што имаат време да го формулираат одговорот. За разлика од тоа, телефонскиот разговор бара моментална реакција, што може да создаде дополнителен притисок.
Токму затоа, непланираниот повик за некои млади е постресен дури и од ситуации како интервју за работа.
Експертите предупредуваат дека избегнувањето на непријатните разговори може да значи и пропуштени можности, особено во работната средина каде директната комуникација сè уште има важна улога.