Според најавите, отпуштањата ќе се реализираат во текот на следната недела, а целта е поедноставување на деловните операции и подобра организација на тимовите.
„Мораме да дејствуваме побрзо, да бидеме подобро поврзани и поефикасни, додека продолжуваме да инвестираме во раст“, навел Рам Кришнан, извршен директор на PepsiCo за Северна Америка, во писмо до вработените.
Компанијата, која на крајот на минатата година имала околу 306.000 вработени ширум светот, се соочува со предизвици на американскиот пазар. Во октомври ја намали и годишната прогноза за профит.
Во последниот квартал, продажбата на северноамериканскиот оддел за пијалаци забележала пад од 2 отсто, додека продажбата на одделот за храна останала непроменета.
И покрај намалувањето на цените и зголемените вложувања во маркетинг, компанијата сè уште не успева да го врати растот со очекуваното темпо.