Според календарот, за православните верници неработен е и Велики петок (10 април), додека за сите граѓани неработен ден е понеделник, 13 април, како втор ден Велигден. Со тоа, заедно со сабота и недела, се добива четиридневен празничен викенд.
Календарот за 2026 година покажува и повеќе поволно распоредени празници, што отвора можност за дополнителни продолжени викенди. За сите граѓани неработни денови се: 1 јануари, 7 јануари, 20 март, 13 април, 1 мај, 25 мај (пренесен ден поради 24 мај), 3 август (пренесен ден за Илинден), 8 септември, 12 октомври (пренесен ден за 11 Октомври) и 23 октомври.
Покрај овие датуми, за верските заедници важат и дополнителни неработни денови. За православните, освен Велики петок и Велигден, важен е и понеделникот по празникот, додека кај католиците вториот ден на Велигден паѓа на 6 април. За муслиманските верници неработни се 20 март за Рамазан Бајрам и 27 мај за Курбан Бајрам.
Април, според календарот, носи едно од најдолгите празнични спојувања во текот на годината.
Извор: faktor.mk