Најновата анализа на Numbeо, заснована на податоци од повеќе од 600.000 корисници од целиот свет, ги споредува дневните трошоци за живот во градовите на сите континенти. Земени се предвид трошоците за храна, ресторани, транспорт и комунални услуги, а резултатите јасно покажуваат каде животот е најскап, а каде сè уште е можно да се живее значително поповолно.
Швајцарија е најскапа
Првите шест места на листата на најскапи градови во светот ги заземаат швајцарските градови. На самиот врв е Цирих, по што следат Женева, Базел, Лозана, Лугано и Берн. Три американски градови се меѓу десетте најскапи градови, Њујорк е на седмото место, Хонолулу на деветтото и Сан Франциско на десеттото, додека Рејкјавик, главниот град на Исланд, е сместен меѓу нив.
Според проценките на Numbeо, живеењето во Цирих е сериозен удар за семејниот буџет дури и пред да се земе предвид киријата. Просечните месечни трошоци за едно лице се околу 1.453 швајцарски франци, што е приближно 1.567 евра, додека едно четиричлено семејство троши околу 5.395 франци, или околу 5.819 евра, без кирија.
Ова се 20-те најскапи градови за живеење во светот:
Цирих (Швајцарија)
Женева (Швајцарија)
Базел (Швајцарија)
Лозана (Швајцарија)
Лугано (Швајцарија)
Берн (Швајцарија)
Њујорк (Соединети Американски Држави)
Рејкјавик (Исланд)
Хонолулу (САД)
Сан Франциско (САД)
Тел Авив-Јафо (Израел)
Сиетл (САД)
Осло (Норвешка)
Сингапур (Сингапур)
Лондон (Велика Британија)
Вашингтон (САД)
Сан Хозе (САД)
Бостон (САД)
Чарлстон (САД)
Копенхаген (Данска)
Во споредба со најдобрите во светот, градовите во регионот се многу попристапни. Белград е на 289-то место, со индекс од 47,6, додека Нови Сад, на пример, е поевтин и е на позиција 304 со индекс од 45.
Градовите од земјите од екс-ју ги „предводи“ Сплит, кој е позициониран највисоко на листата - 232-ро место, далеку над Загреб, кој е на 253-то место. Љубљана е 237-ми најскап град во светот, додека Сараево, Подгорица и Скопјe се особено евтини - тие се рангираат на 320-то, 324-то и 352-ро место.