Беше прогласен за најевтина дестинација во Европа врз основа на анализа на аранжманите за одмор. Се наоѓа во Егејското Море, и е познат по својата богата поморска традиција, особено за ловот и трговијата со морски сунѓери. Главен град и пристаниште на островот е Потија. Островот има прекрасни песочни плажи, кристално чисто море и привлечни карпи што го прават популарен меѓу алпинистите од целиот свет. Калимнос е познат и по својата автентична грчка атмосфера, вкусната кујна и гостопримството на локалното население.
Најевтиниот грчки остров ако купите пакет аранжман
Во истражувањето на Which? која анализирала повеќе од 4.500 пакет-аранжмани во шпицот на сезоната, односно за првата недела од август, дошла до заклучок дека на островот Калимнос патниците можат да ги најдат најдобрите понуди и најевтините одмори. Всушност, студијата покажа дека просечната цена на целиот пакет аранжман од седум ноќевања била 847 фунти по лице, што е околу 1.000 евра.
„Малиот остров е Грција каква што ја замислувате – со затскриени заливи, сафирно море, сурови планини и шармантни градови“, велат од компанијата Which? до списанието „Мирор“ и додаде: „Главниот град Потија е одморалиштето со најконкурентни цени на островот – со најевтин пакет што чини 794 фунти по лице (950 евра). Со својата прекрасна мешавина од варосани и светло обоени куќи со поглед на Егејското Море, градот и околината нудат многу за да ги зафатат туристите – од музеи на отворено до оние кои бараат релаксација на отворено и кино. Најпопуларното одморалиште на островот, Масури, чини просечно 856 фунти за престој од една недела (околу 1.000 евра).“