Во земјава се регистрирани 50 случаи, од кои 39 кај мажи и 11 кај жени. Кај 49 пациенти се развила тешка, невроинвазивна форма на болеста.
Сличен тренд е забележан и во странство. Американски истражувања покажуваат дека мажите почесто развиваат тешка форма, но научниците сè уште немаат конечен одговор зошто. Како можни фактори се наведуваат возраста, хроничните заболувања, изложеноста на комарци и имунолошките разлики.
Најголем ризик за тешко заболување имаат лицата над 60 години и оние со ослабен имунитет или хронични заболувања. Здравствените власти препорачуваат заштита од комарци и отстранување на застоена вода.