Враќањето на линијата го најави претседателот на Советот на Град Скопје, Даме Димитриевски, кој посочи дека новата траса е договорена во координација со градоначалникот на Скопје, Орце Ѓорѓиевски, и Општина Бутел.
Според најавата, со новата траса за првпат ќе се стави во функција булеварот „Словенија“, а жителите на Радишани и Бутел ќе добијат директна автобусска врска со средните училишта во Карпош, како и со Скопје Сити Мол.
По која траса ќе сообраќа 37-цата?
Од Радишани автобусот ќе се движи по улиците „Радишанска“ и „Бутелска“, потоа по булеварот „Босна и Херцеговина“, булеварот „Словенија“, „Качанички пат“, Сервисна улица Качанички пат, булеварот „8 Септември“ и булеварот „Партизански одреди“.
Крајната постојка ќе биде на улицата „Манапо“ во Карпош 3.
Познат е и возниот ред
Линијата ќе сообраќа од понеделник до петок.
Од Карпош 3 автобусите ќе тргнуваат во:
- 06:40 часот
- 08:10 часот
- 14:10 часот
- 15:40 часот
Од Радишани поаѓањата ќе бидат во:
- 07:25 часот
- 08:55 часот
- 14:55 часот
- 16:25 часот
Од ЈСП-Скопје најавуваат дека во периодот пред повторното воведување на линијата ќе започне информирање на граѓаните за новата траса и возниот ред.
Така, од 1 септември линијата 37 повторно се враќа на скопските улици, со нова траса која треба да обезбеди директна врска меѓу Радишани, Бутел и Карпош 3.