Иако уписите сè уште не се завршени, Министерството за образование очекува разликата до почетокот на учебната година да се намали, но сепак да остане на најмалку 3.000 првачиња помалку.
Министерката за образование Весна Јаневска предупреди дека станува збор за сериозен демографски пад и дека сличен тренд се очекува и следната година.
Демографските промени веќе се чувствуваат и во училишната мрежа. Според податоците на МОН, во последните две децении бројот на ученици во основното образование е намален за 28 проценти, а минатата учебна година во 147 подрачни училишта не било запишано ниту едно дете.
Конечниот број на првачиња за учебната 2026/2027 година ќе биде познат по завршувањето на уписите.