Падот е сериозен удар за кубанската економија, која во голема мера се потпира на приходите од туризмот. Хотели, хостели и дел од приватните сместувачки капацитети се затворени, а туристите стануваат сè поретка глетка на плажите и во туристичките центри.
Пред пандемијата, Куба привлекуваше милиони посетители годишно. Во 2019 година земјата ја посетиле околу 4,3 милиони туристи, а приходите од туризмот во најдобрите години достигнувале околу три милијарди долари.
Сега секторот е погоден од економската криза, инфлацијата и недостигот на енергенси. Ситуацијата дополнително се влошила по засилувањето на американскиот притисок и воведувањето нови мерки поврзани со снабдувањето со нафта и други енергенси.
Дополнителен проблем се и откажаните или намалените авионски линии. Меѓу компаниите кои ги прекинале или намалиле летовите кон Куба се наведуваат World2Fly, Air France, Turkish Airlines и Iberia.
Ограничувањата поврзани со користењето на меѓународните платежни системи, како Visa и Mastercard, дополнително им го отежнуваат престојот на странските туристи.
Од туристичка дестинација која пред само неколку години привлекуваше милиони посетители, Куба сега се соочува со празни туристички центри, затворени сместувачки капацитети и драматичен пад на бројот на туристи.