Според новите цени, ЕУРОСУПЕР БС-95 се продава за 93 денари за литар, ЕУРОСУПЕР БС-98 за 95 денари, додека ЕУРОДИЗЕЛ достигна 101,50 денари за литар.
Колку е голема разликата најдобро покажува споредбата со цените од август минатата година.
На 25 август 2025 година, според одлуката на Регулаторната комисија за енергетика, цените изнесувале:
- ЕУРОСУПЕР БС-95 – 75 денари
- ЕУРОСУПЕР БС-98 – 77 денари
- ЕУРОДИЗЕЛ – 68 денари
Тоа значи дека за само една година БС-95 е поскап за 18 денари по литар, односно околу 24%, додека БС-98 е поскап за исто 18 денари или околу 23,4%.
Најголемата разлика е кај дизелот.
Од 68 денари минатиот август, цената се искачува на 101,50 денари, што е зголемување од 33,50 денари по литар или околу 49% за една година.
Колку повеќе плаќаме за еден резервоар?
Разликата уште подобро се гледа ако се пресмета полнење резервоар од 50 литри.
За 50 литри дизел минатиот август биле потребни околу 3.400 денари.
По новата цена, истите 50 литри ќе чинат 5.075 денари.
Тоа се дури 1.675 денари повеќе за само едно полнење на резервоарот.
Кај бензинот БС-95, 50 литри лани чинеле 3.750 денари, додека сега ќе чинат 4.650 денари – 900 денари повеќе по резервоар.
Податоците покажуваат дека за период од една година трошокот за гориво значително пораснал, а особено силен е скокот кај дизелот, чија цена е речиси 50 проценти повисока во однос на август минатата година.