Како што информираа од Зоолошката градина, новите членови се патагониски мари, нанду птици, кокошести гуски, бели пауни и лебеди.
Животните во моментов се сместени во задолжителен карантин, каде што се под постојана грижа и ветеринарен надзор. Овој период е неопходен за нивно безбедно приспособување на новата средина.
Од Скопје ЗОО најавуваат дека, по завршувањето на карантинот, новите жители ќе бидат достапни за посетителите.
Пристигнувањето на новите животни е дел од убавите вести со кои Зоолошката градина го одбележува својот голем јубилеј – еден век постоење.