Воедно, вкупната потрошувачка на енергија за ладење во Европската Унија речиси се удвоила во периодот од 2018 до 2024 година – од 40,5 илјади TJ на 80,4 илјади TJ. Во овој период потрошувачката растела речиси секоја година, со исклучок на 2020 година (-2,5%) и 2023 година (-1,9%), кога е забележан пад во однос на претходната година.
Кипар и Малта имаат најголем удел на енергија што домаќинствата ја користат за ладење – 16, односно 15 проценти. Потоа следуваат Грција со 7,4 проценти, Шпанија со 2,5 проценти и Италија со 2,3 проценти.