Oбјавена е листа на најсилните валути во светот, но го нема американскиот долар меѓу првите пет.

Бразилскиот реал зајакна за речиси 11 проценти во однос на доларот оваа година, што го прави најуспешната главна валута во 2026 година. Главната причина се високите каматни стапки во Бразил (околу 14,75 отсто), многу повисоки отколку во САД. Ова привлекува инвеститори кои профитираат од разликата во каматните стапки. Покрај тоа, Бразил, како главен извозник на суровини (соја, железо, нафта), дополнително има корист од порастот на цените на светскиот пазар.

Австралискиот долар доби околу седум проценти откако централната банка ги зголеми каматните стапки, над американската стапка за прв пат по долго време.

Норвешката круна следи сличен тренд и исто така расте благодарение на извозот на нафта и повисоките цени на енергијата.

Колумбиското песо го следи истиот модел, неговата вредност го следи порастот на цените на нафтата.

Унгарскиот форинт порасна за повеќе од шест проценти од почетокот на годината, но зголемувањето беше особено изразено во април. Клучниот настан беа парламентарните избори на 12 април, на кои долгогодишниот премиер Виктор Орбан ја изгуби власта, а Петер Маѓар победи со убедливо мнозинство. Пазарите го протолкуваа ова како сигнал за намалување на политичкиот ризик и можно подобрување на односите со Европската Унија, што би можело да деблокира значителни финансиски ресурси, пренесува Каматица.