Во допонителните ре-твитови од оригиналниот, „твитерџијата“ пишува дека „во 1948 година бродоградилиштето во Риека “3 мај” создава брод кој решаваат дека ќе се вика „Скопје”. Кога бродот бил спремен за пуштање во морето испратиле покана до градското собрание. “Градот Скопје да испрати делегација на свеченото пуштање во море на бродот „Скопје“.
Истиот ден вечерта, според неговото пишување, делегацијата од Скопје, земале персиски килим како подарок и тргнале со воз за Риека. На железничката станица во Риека ги пречекала делегацијата од бродоградилиштето „3 Мај“.
„Свеченоста се одржала на бродоградилиштето во Риека и била од големи размери. На свеченоста бил и министерот за поморство на Југославија, Вицко Крстуловиќ. Церемонијата на нурнување на бродот во море била на многу високо ниво, а нашата делегација одржала говор за благодарност“, се вели во еден од серијата твитови.
„Бродот Скопје пловеше по сите светски мориња, a кога конечно беше целосно амортизиран, се врати дома во Риека на сечење и топење. Но тогаш градот Риека решава да не го уништи сидрото и во знак на пријателските односи со Скопје и за спомен го испраќа сидрото на бродот во Македонија“, раскажува „јас не сум“.
Раскажувачот вели дека оваа приказна му/ѝ била многу убава, бидејќи зборува за пријателството помеѓу два оддалечени градови.
„Искрено ми е жал што сидрото нема информативно обележје за повеќе луѓе да ја дознаат приказната и да стане туристичка атракција“, заклучува во твитот „јас не сум“.
Извор:skopjeinfo.mk