Ново поскапување на парното во Скопје од јануари? ЕСМ бара повисоки тарифи
Актуелно

Ново поскапување на парното во Скопје од јануари? ЕСМ бара повисоки тарифи

13. 11. 2026.

Скопјани би можеле да се соочат со ново поскапување на парното од јануари 2027 година. Компаниите од секторот за топлинска енергија бараат корекција на одобрените приходи и зголемување на тарифите, а конечната одлука ќе ја донесе Регулаторната комисија за енергетика (РКЕ).

Од ЕСМ објаснуваат дека цената на природниот гас на европската берза во октомври била околу 60 отсто повисока од онаа врз основа на која биле утврдени сегашните тарифи.

РКЕ треба да ги разгледа трошоците и да процени дали барањата на компаниите се оправдани, по што ќе одлучи дали ќе има ново зголемување на цената.

Инаку, парното во Скопје веќе поскапе од 1 август годинава, кога сметките за централно греење се зголемија за 3,6 до речиси 6 отсто, зависно од операторот. Најголемо зголемување од 5,96 отсто имаше кај корисниците на ЕСМ Снабдување.